你好，生離，死別

你好人生，

然後就是生離，和死別。

-

今晚聽到摯友打算移民的消息，在車水馬龍的馬路上不禁哭了。

似世界只剩下我和回憶一樣，眼淚好似跟我說「喂，唔好拉住我啊。」

我恨人生就是，「你好，我愛你，喂，再見啦。」

我恨成年人的成熟，其實我是否必須看輕、看淡、看透？

明白終需歸回成年人的成熟，但在這之前給我一點時間⋯⋯

-

走到十字路口，眼淚才平靜下來，我看著周圍的陌生人來來往往，又望著巴士、汽車來回復反，

終於明白到，其實只得我一個。

最近有一種很深很深的孤獨感，

無關朋友多少、相聚疏密，

而是走著走著，發現，

「咦，身邊無哂人」

追唔到，有啲人行得太快，行得太前，前到影都見唔到，

佢嘅風景你無法想像，佢嘅煩惱你幫不上忙。

大家都在各走各路，用自己的節奏，越來越遠。

至於身後，

好像沒有人，

太慢啦，你行得太慢啦。

從前聽過，「無敵是最寂寞」

有冇想過，無恥才是最寂寞？

喺香港地你夠膽行得咁慢？無恥!!

-

紅燈轉為綠燈的一剎，我苦苦一笑意味深長，然後昂首闊步。

即使寂寞，餘生我也會和慢節奏如影相伴。

-

（深夜之諗太多系列）