開學之後

開學之後的第一日假期

今日本身諗住溫書創作，但唔知點解喺屋企攤咗成日，瞓喺床到望住窗外嘅風景發呆。

雖然心情沒有起伏，但這種平靜卻讓我更覺得放假真好。<3

之後喺度玩手機半日，聽住歌做massage，做facial，跟 Coffee 做舒緩肩頸嘅 yoga

雖然無任何 progress 但覺得咁樣嘅 self-care 好美好

嗯！依家呢刻自己嘅感受都係要放喺第一位，以前對人太好，對自己太差啦！依家要識錫咗自己先，同埋做咗自己生命中想做嘅嘢先！

＝

尋日返學

夜晚

我聽完 Professor 講 Master 要深度思考諗多幾層，學下大師點講點分析之後

再聽下啲同學簡單複雜化咁形容佢哋睇到嘅 performance

我突然反思，Master 係咪一門故弄玄虛嘅學問？

我諗嘢真係好簡單，都覺得無必要簡單複雜化，人類諗得咁複雜證明咗啲咩啫？

依家比起思考，我更想做事

突然覺得自己可能唔適合讀 Master? 笑喊

如果有機會，我想 thesis 題目係提醒藝術家唔好簡單複雜化，為賦新詩強說愁，無中生有。

簡單，也是一種聰明。

＝

記錄低教授喺眾人面前講完嘢之後耳仔紅哂，加口震震。

可能佢係一個好重感情嘅人？照顧別人感受加在意別人對佢嘅印象？

以前我都會咁，但今個夏天就克服咗演講恐懼

大抵係唔再在意人哋點睇我，點都好，自己都會成為自己嘅最強後盾掛。

＝

連續 social 咗好多日，尋日走之後，開始唔想講嘢，於是刻意冇去 yo 啲新同學，一個人默默咁行去搭車⋯⋯

＝

感受之後嘅 priority 係讀書，所以聽日都係要畀心機讀書㗎！

＝

尋日竟然畀我喺學校搵到《日本情書大全》，

入面有一句：「連忙拿起筆對著信箋，向你盡訴情懷；即使用快遞投寄，也嫌太慢。我對你的愛已無法休止，如果那天沒遇見你就不至於此。」

＝

有時我都會諗，你會唔會再嚟睇呢？隔個半年，一年，十年都好。

這是其中一個我繼續更新的原因。

偶爾也想過傳個信息去問近況，但我覺得不必要，也許不必要。

＝