running nose feat. 露營之後

呢兩日去咗露營

沙灘

好涷 好攰 好重

最大嘅樂趣就係坐埋一齊食一口牛

最大嘅樂趣就係捐入被竇瞓覺

其實都冇玩到乜嘢

感覺大家返工都攰了

就咁樣 食下 攤下 傾下 聽下 903 頒獎禮

已經好夠 好舒服

望住個海 同 滿天星塵

我只係喺度放空

諗咗啲乜？我乜都冇諗

畀著以前一定會傷春悲秋諗好多嘢 好多人

就算係天邊外嘅星星都可以幫佢作個故事

但依家就乜都冇諗

放空

大--休--息

我開始覺得咁樣都幾好

呢種平靜同淡定

沒有大喜大悲

即使對身邊事物和情感不再那麼敏感

就是 12 月 那場舞台劇我才發現

以前自己寫嘅戲 on show，一定超緊張期待興奮

依家就⋯⋯平常心

oh, 要睇啦？睇啦

做得唔夠好？唔緊要啦

睇完啦？oh 散場 lu

然之後就同愛的人們去食飯，都冇再多餘去諗表現

我諗呢種心態就叫淡定？

就連工作拍攝時面對任何人我也不再感到害怕

呢種唔賣任何人帳，人人都是平等的心態植根在我

對於能成為不要低頭的死𡃁妹感到自豪

當你知道自己喺到做緊乜，serve 緊邊個，就能和誰都議事論事，不卑不亢

然後，我也在想，這股自信會不會是他給我的？

有家可歸，才敢在世界胡鬧？

一兩個月以後，還是覺得很感恩很幸福

我開始懷抱這平淡簡單的幸福

儘管失去感性、傷春悲秋的能力，好像也沒那麼緊要

甚至是少了 idea 自然 pop up 的能力也一樣

噢，最近的生活的確很快樂

我感覺到某些東西的信號越來越微弱

會不會就是從前的自己？

那時的我看到現在的我肯定感到陌生

當初志願表上寫的志願，今天終於成功了一半

不知中四的我會否感到快樂

做你想做，也沒那麼難嘛

-

有些畫面想要記下來

1) 在觀塘和飛、瑩食火鍋

記得當晚我冇乜點食，只知道到熟成中心逼逼貢打邊爐，只能和熟朋友才能做，例如係識於微時果啲，雖然當晚我趕稿，心不在焉，但回想起來還是溫馨，這個畫面不知要隔幾多年才能重現。

2) 和HM在商場肩並肩哭了

感謝久沒見面的你請我食日本料理，記得枱前面有一缸軟殼蟹爬爬下，令食緊壽司嘅我哋非常唔好意思。我開心你做嘢嘅環境都幾開心，然後你都為我嘅 update 而高興。

直到我哋喺商場坐咗落嚟，你講起近日內心感受，講講吓想喊，我聽到都覺得好心 up ，好想喊。有少少係無能為力，如果仲讀緊書，有更多時間心思去關心身邊嘅人，我可以毫無顧忌咁講我陪你！

但依家出咗嚟做嘢，就算有心，都分身不暇。對於無法完成的承諾，我都係覺得唔好亂咁講。可能就係無奈呢種感覺。

點解做人嘅重心永遠都係讀書/工作，而唔係關心身邊人？

3) 聖誕市集

果日真係好涷，feat. 果日真係好 warm

4) 迪士尼

喺迪士尼坐輪椅去 first aid 同埋排咗 30 分鐘灰熊山谷最後玩唔到嘅經歷都令到今次去迪士尼好難忘。

不過，你知嘅，真正難忘嘅原因點止去玩咁簡單。

玩迷離莊園係最好嘅體驗。

5) 寫寫底線。

感覺自己真的不同了的時刻是，我竟然問起自己在工作上的底線來。

以往就是爛好人，被欺負到心頭也不會反抗。

現在的我居然問自己，在工作上甚麼情況是我的底線，必須提出我不能接受呢？

知道自己需要捍衛的是甚麼之後，突然覺得做人很簡單

你對我好，我就對你好

你無理不善對待，我就告訴你，你的無理，而且你的無理取鬧讓人不愉快

因此我打從心底欣賞起自己起來，這是長大為人的一個 checkpoint 吧？

以後要我保護的人將越來越多，需要做好的角色也一樣，

擁有底線將使我能保護好心中所愛，當個爛好人不過是懶惰，不是真正的善

真正的善，是讓錯的人反省自己？改過自新吧？

期待見到更成熟 更有承擔的自己

5B)

於是得記下，當日被 ban 橋後 0.1秒立刻說出「唔係喎，我覺得幾好喎，不如你問多幾個人先啦？」的自己。

6) 月老

喜歡一開頭的 concept 和 pinky 這個角色，只懨剪得太碎

-

時候不早了，鼻水直流，還是早睡，明日起來處理報名。