Take the W：記2-5月

好久不寫，大家好嗎？

經過3個月不用手機的生活，本來有很多有趣的事，想快點和大家分享。

本來？

本來完成畢業作品匯報之後，就打算開始找工作了，月前為求職而偶爾失眠的我，巴不得能快點開始。當然有些閒雜時間也可以敲敲鍵盤和計劃畢業旅行。但是啊，匯報竪日，突如其來的大轉變進入我的生活。這轉變使我這幾個月都不用找工作，讓月前失眠的我哭笑不得，人生啊，計劃總趕不上轉變。

一直想找些時間寫寫字，但每天都忙碌、疲累且充實。

今天奢侈地有空餘時間，所以，就來了;)

既然沒有時間好好整理，就草草寫下現在，這一刻我記得的，我還記得的。

。

。

。

我記得有一個禮拜無去拎信，再去拎既時候，一次過收到十幾封。果一刻，我覺得好感動。一直以為自己朋友唔多既我，其實誤會咗，原來都係有好多好好，驚我會悶嘅朋友喺身邊（由其是Lab的同事XD) ，覺得自己好幸運。

我記得搭地鐵果陣拎住Sketch Book畫對面個乘客，有個乘客好好奇走過嚟睇下我畫緊乜，然後睇到我啲畫功之後⋯⋯就施施然行開咗^ ^''

我記得睇咗一套舞台劇叫《真實的謊言》，入面啲對白仍然懸在耳邊。

「要活喺希望裡面，有希望嘅人生喺唔一樣」

「活在當下。」「其實呢句嘢係真，定係只係逃避？」

「我成日都提醒自己，要保持理性」

「如果你有想像力，咩嘢都可以係真。」

「呢幾年，我過得好快樂。」

我記得你收到Offer，果刻既我覺得好奇妙，亦都為你自豪。

我記得喺果個下就，溫溫下默書，你同我講：

Hey, let me tell you a joke.

然之後，你向我跳咗take the L呢隻舞，然後我地建立咗connection.

And I got a new friend that I treasure a lot, he is a 8 yr old boy.

我已經好耐無見過你喊了，好耐好耐，耐到我都唔記得咗。喺你有事當日，你好驚，驚到喊咗出嚟。其實我都好驚，走到一角靜靜咁喊，又唔敢畀你知道。但我記得當日既我抹乾眼淚，好勇敢，好淡定咁去面對當下。

我記得我收過一封署名PW__既信，我喺拉巴反復睇咗幾次都諗唔到究竟喺邊個。？_？唔緊要，我依著自己估計的那個人給ta回信，再收到回信，先知原來自己估錯咗，而且方向都幾遠。

我記得自己記得翻要笑。因為笑，除咗係覺得開心之外，都代表你喜歡見到呢個人。於是，也收獲了很多街坊的微笑。

我記得有一日無聊搵翻中學本《中華文化經典》嚟睇，收獲咗一句「人而無信，不知其可也。」

我記得拆開其中一封信，裡面寫到「我們花了二百多圓去夾公仔，最後竟然⋯⋯一隻都夾唔到？！」笑得人仰馬翻。

我記得我們這一兩年比較缺乏溝通，不知為何生了隔閡很少再分享彼此內心，卻因為書信能再次分享心中的想法。重要的人再次連接，啊，真好。

我記得每個星期一我都嚷著要看你昨天學畫的畫。有時候功課繁忙，我就忘了詢問，然後你就故作不經意地問：「唔睇畫啦？」

我記得那夜聽到關於你的壞消息，在被鋪裡泣不成聲，然後悔恨自己當初說要戒牛肉祝福你，竟沒有好好實行到⋯⋯呃。

我記得自己因為FYP重新變得輕鬆，有能力樂觀同識笑。thanks.

我記得果日收到你既電話，你話有個Freelance介紹畀我，問我有無興趣。我好開心，好似攞咗獎咁。然後好想一心一意做好佢。

我記得即使完咗Project都想繼續回信，所以請等待。

我記得明天還要早起，所以在此擱手。

我記得翻自己係邊個。

你呢，最近記得什麼？